مستقبل التغيير

ثورة تونس ألهمتنا
و للحق هديتنا فوئيتنا و خلتنا
نأول ارحل يا مبارك كفاية عناد
كفاية ظلم و استبداد
كفاية قهر و استعباد
و نأوله هو في حد أنصاره من البلطجية و الحشاشين
و الحرامية و الفاسدين
كانو بيحكوا عن أمجادك في 73
و احنا عمرنا مكونا ناكرين
لأننا مصريين للظلم كارهين
كنت فاكرنا تعبانين و مهيسين
و طول النهار على الكمبيوتر آعدين
للفيس بوك مسلمين
و احنا في الحقيقة بنخطط لثورة بألنا أربع سنين
بنأولك لازم تتحاكم يا رئيس العصابة
دا احنا شعب غلابة
خليت البلاد اشبه بخرابة
حاولت تأول للعالم اننا همجيين
بس احنا اثبتنا اننا منظمين و متحضرين
لأننا مسلمين و مسيحيين
بالوحدة متمسكين
و لتحقيق الحرية ساعيين
و للعدل عايشين
متتنيين محاكمتك و مترقبين
سرأت كل حاجة فاضيلك اية
امال كنت آعد على ألبنا الفترة دي كلها ليه
كنت عاوز الحكم من بعدك لأبنك جمال
لية هو انت فالكروه لعب عيال
و لا ظلم و استهبال!
دا انت كنت لاسرائيل افضل عميل
بس دلوقتي يا عيني عليك يا مكير
فاكر لما تتدعي المرض هتصعب عليا
ألبي ياع في رجليا
و أرجع و أأول حرام عليا
دا بعدك احنا رجالة
مش كل وأتنا لجدو و شيكابالا
دلوقتي احنا بندور في مصر على جمال الزعيم مش ابن المدام
اللي كانت شغلته ياكل و ينام على ريش نعام
و يسرأ فلوس بالأكوام
و يتفسح في امريكا و فيتنام
بس دلوقتي اتغير الحال و ظهر الحق من الظلم
و عرفنا حق كل أم
ربت كويس ابن ضحا بكل حاجة علشان الخير يعم
بناولها يا زين مربيتي
زرعتي فجنيتي
الله يباركلك
و في الجنة يحطك
انتي و ابنك أو بينتك

Come on and tell me yr opinion plz comment!!!!!!!!!!!!!!

وااااااااااااااااااااو تحفففففففففة يا قمر

شكراً جداً دا من زوأك يا ألبي انك تحبي حاجة زي كده و شكراً كمان مرة على الcomment

والله ده من زوقك انتى يا حبى الكلام الجميل ده وعايزة اقولك انك نورتى المنتدى بدخولك واحنا مكنش بندخل عشان الامتحانات لكن الامتحانات خلصت وهنرجع كلنا للمنتدى

شكراً جزيلاً دا نورك و الله أنا اللي مبسوطة و فخورة باني انضميت للمنتدى ده إل قوليلي هو انتي مصرية؟ اصل انا لمست دا من لهجتك!

اها انا مصرية واحنا اللى فعلا سعداء انك معانا وخلاص هنبدأ ندخل يوميا ان شاء الله

و انا كمان مصرية و عايشة في الاسكندرية و انتي؟ و انا كمان سعيدة اني انميت للمنتدى دة

انا من مدينة بورسعيد نورتى يا قمر ومنتظرين مشاركاتك