&&&بسم الله الرحمن الرحيم&&&
اليوم حبيت احكيلكم عن الشعر المجعد فانا من ذوات الشعر المجعد
بدي خبركن عن افضل طريقة لتجعيد الشعر وهي طرقتي المتبعة دائما
الي بعملو اني بعد ماحمم شعري بنشفو شوي بمنشفة حتى تروح المي المتساقصة منو وبعدين بمشطو وهو مبلل تايسير خصل وبعدين بحط كريم:
<< صانسيلك للشعر المموج القابل للتجعيد>>لون العبوة برتقالي وريحتو بتجنن حلوة كتير.
هاد الكريم بيطري الشعر ويمنعو ينفش.
بحط الكريم على ايدي وبمسك كل كم خصلة من الاسفل للاعلى حتى تمتص الكريم وبترك الخصلة
<بلش الخصلة من تحت يعني بجمع الخصلة كلها بايدي من تحت لفوق وببقى كلها بايدي وبضغط عليها وهية بكفي وبعدين بتركها ....الخ>
بدعك شعري كلو بالكريم بدون مايشبك مع بعضو.وبخلل اصابعي بشعري من ناحية الراس مع دعك وضغط خفيف تايوصل الكريم داخل الشعر .
وبرفع شعري كلو بكل رياحة دون شد وبخليهون مرفوعين حتى ينشفو , لانو اذا تركتيهن نازلين الخصلة بتكون تقيلة من المي فا مابتاخد الشكل المطلوب وبتنشف على ماهية عليه .
وبعدين بفكهن وبعملهن متل مابحب والحقيقة النتيجة مبهرة الي يشوفني يفكر اني عاملتهون بالفير .خصوصا اذا رفعت شوي ونزلت شوية خصل بيطلع تحفة .وخصوصا اذا كنتي عاملة ميش لشعرك متلي بيطلع مموج بالالوان كتير احلى.
********
بس اوعك تمشطيهون بعد ماينشفو لانو بيسيرو بيخوفو.
......... العملية بسيطة وماتتحمل شي............
********
وبحب نوه انو اللي شعرها طبيعتو مجعد النتيجة هايلة اما الشعر الناعم ممكن يسير بشكل اقل والدعك والضغط بالكريم لازم يكون اكتر وممكن استعمال الرغوة موس كمان نتائجه حلوة ,اختي شعرها ناعم جربت الرغوة< موس> طلع مقبول
ولاتنسو استعمال البلسم اثناء الحمام لانو بيطري الشعر وبينعم ملمسو
وهيك انا خلصت اللي عندي والباقي عليكن
********
*****
وتحياتي للجميع
موضوع: طريقتي في تجعيد شعري......والنتيجة مبهرة.... ادخلي وشوفي 
