كلنا صحيح بنات
وكلنا صحيح محترمات
بس أكيد مش كلنا جميلات
وأكيد مش كلنا شخصيات
فيه اللى جميلة جداً
بس شخصيتها ضعيفة أو عادية وغير مميزة
ودى اللى بيلفت الناس ليها أكتر جمالها
هو الحاجه اللى بتعلم وفى الآخرين
وفيه مننا العادية فى شكلها
اللى مافيهاش جمال من نوع خاص
لكن
عندها جاذبية
تكمن فى شخصيتها وأسلوبها وتأثيرها على الآخرين
اللى لما يفتكروها يقولوا:
فلانة دى شخصيتها جامده أوى
أو حلوة أوى
أو مميزة أوى
يعنى اللى بيعلم فيهم شخصيتها
وهى اللى بتدى شكلها طابع مميز
لو كانت شخصيتها حلوة
بتدى شكلها جاذبية
ولو العكس
يبقى العكس
وفيه مننا اللى من جوه ومن بره ما شاء الله لا قوة إلا بالله
الاتنين أحلى من بعض
وأكيد فيه كمان اللى لا شكل ولا شخصية
يعنى مافيهاش حاجه تعلم فى الآخرين
ده طبعا مش معناه انها إنسانه مش كويسه
بس معناه إنها عاديه خالص
زى آلاف البسطاء شكلاً وموضوعاً
انتى بأه
أيوه انتى
عندك الجرأة تقولى
انتى مين فيهم؟؟
أنا عن نفسى
عندى الجرأه
اللى تخلينى أقول بصراحة
إنى شكلاً عادية جداً جداً
مش جميلة بالمعنى المعروف
لكن اللى بيميزنى وسط اصحابى وقرايبى
شخصيتى
الحادة الجادة
القوية نوعاً
واللى عنده كلام غير كده يتفضل يسمعنى
واللى هاتدخل تتفرج ومش هاترد
هاعرف على طول
انها من النوع الأخير
ومعندهاش الشجاعة تعترف
ههههههههههه
وماتنسوش التقييم
موضوع: عندك الشجاعة تعترفى 
