طبعا كلنا يتعرض للمحن وكثيرا منا يواجهها بطرق مختلفة
وهذه إحدى الطرق المنتشرة لطالب في أوج محنته
وهو يتجادل مع مدرسه .... بالأغاني
المعلم يسأل الطالب :
غير صيغة الفعل من المضارع للماضي .
الطالب : خلاص الماضي ودعته = محيت ذكراه من بالي
انا من باعني بعته = ولا عاوزه يعود تانى
المعلم : إنت فاكر دمك خفيف ، إنت عاوز تعلمني الهيافة بتاعتك ؟
الطالب : حاجات علمتهالك ... وحاجات نولتهالك ... وحاجات عيشتهالك .. أيام مكنتي معايا .. بريئة بتحلمي !
المعلم: الله يخرب بيتك أنتا فاكرني بنت يا مسطول ، اعتذر قبل ما ارميك من الشباك
الطالب : وانا كل ما قول التوبة يا بوي ترميني المقادير ياعين !
المعلم : انا رايح اجيب الناظر يتفاهم معاك ، وحتشوف لما يجي حيعمل فيك ايه
الطالب : الغضب الساطع آت - من كل مكان آت !
المعلم : هزر زي ما انت عاوز وحنشوف حتعمل معاه ايه !
حضر الناظر مع المعلم وسال الناظر الطالب :
الناظر : إنت إيه حكايتك مع المدرس ؟
الطالب : توادعنا انا واياه = لكن ما توادعنا .
الناظر : انت يا ابني بالع راديو والا شريط .. مالك كده على بعضك مزيكا ! انت ما نمتش امبارح ؟
الطالب : نسيت النوم واحلامه = نسيت لياليه وايامه !
الناظر : إطلع بره وخليني اشوف ابوك جاي هنا يا مش متربي
الطالب وهو خارج من الصف : يجيلك يوم تندم على ما سويت = واقول منك لله يكفي انا مليت !
المعلم للناظر : الطلاب اللي زي دول بتعمل معاهم إيه ؟
الناظر : أطبطب......... وادلع !
موضوع: الحقوا طالب يرد على المدرس بالاغانى 
