أحلى بنات
اهلا بكم فى احلى بنات نتمنى تشرفينا بالتتسجيل

أحلى بنات

أحلى بنات
 
الرئيسيةاليوميةمكتبة الصورس .و .جالمجموعاتالتسجيلدخول

شاطر | 
 

 رسالة من محمد علاء مبارك الى امه و جده و العائلة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لندا
عضو جديد
عضو جديد



مُساهمةموضوع: رسالة من محمد علاء مبارك الى امه و جده و العائلة    الجمعة فبراير 11, 2011 6:15 pm


ازيك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني

يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد...

جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين

روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!!

سألت تاني ردوا عليا مين قتلكوا ؟؟؟؟؟

واتقتلتوا برصاص اسرائيل ولا مين ؟؟؟؟؟

وجدو عمل اية في اللي قتلكوا! ولما بكيت لاول مرة لان الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا

لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم

رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين

يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان علية كل الناس دي ومعملش حاجة لللي قتلهم

قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انة خلاص مبقاش ينفع يبقي رئيسها بعد اللي حصل

جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة

وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها يديروها اوعي يكون يابابي في مالك انت وعمو جمال وجدو حق لمصر وللمصرين وخدتة

اوعو يابابي.... انا بحبكو ومقدرش اشوفكوا شايلين زنب زي دة اوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منه بقيت حياتكوا .

اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين.


ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنةوقول لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه

والسلام عليكم ياعيلتي اللي بحبها

والسلام تحية اهل الجنة.


ملحوظة:
ياجماعة رغم كل ده والله انا حزينة جدا على نهاية مبارك كانسان ..

وكمان لانه مريض..
وعليه افضل الصلاة والسلام قال :
ارحموا عزيز قوم ذل..
ربنا يغفرله ويشفيه.
الرجوع الى أعلى الصفحة اذهب الى الأسفل
Admin
مديرة المنتدى


انثى
الحمل

بطاقة الشخصية
العمر: ....

مُساهمةموضوع: رد: رسالة من محمد علاء مبارك الى امه و جده و العائلة    الأحد فبراير 13, 2011 8:48 am

فعلا موضوع مؤثر جدا
وابكانى كثيرا
شكرااا يا لندا على تميزك فى القسم ده

_________________




الرجوع الى أعلى الصفحة اذهب الى الأسفل
Mona Gedo
عضو جديد
عضو جديد


انثى
الثور

مُساهمةموضوع: رد: رسالة من محمد علاء مبارك الى امه و جده و العائلة    الأربعاء يوليو 06, 2011 9:54 am

شكراً ليكي و الله موضوع مؤثر اوي و الله انا كنت بعيط و انا بقرأه بس انا بسؤاحة مش معاكي في الملحوظة دي لأني اعتقد انه مرض لما ابل على نفسه مال حرام أو لما اتصدم لمجرد المعرفة انه هيخسر الفلوس اللي اخدها مننا و بعدين اظن ان المرض شيئ متوقع لواحد عدى التمانين و لا انا غلطانة؟
و بعدين لما هو عاوزنا نرحمه هو مرحمناش ليه لما نهب مننا دا كله و لما كان بيجيلوا الاكل في الطيارة من المانيا و في ناس مش لايا تاكل و لما كان لما بيأول آه كان اكبر اطباء هنا و بره بيعلجوه و يفضلوا تحت رجليه لغاية لما يخف و في ناس بتموت و مش لاأيه اللي يعاجها لمجرد انها فقيرة و ممعهاش فلوس تتعالج او حتى تجيب الدوا! و بعدين نرحمه ازاي و هو مرجناش وأت الثورة و نزل فينا ضرب و أتل و مترددش في انه يستخدم كل السبل الممكنة للدفاع عن كرسيه و منصبه أنا كنا هناك و كنت مستنة الموت في كل لحظة و التانية!
و بعدين اذا كنتي بتدعي ان ربنا يسامحه و يغفرله فيا رب يسامحه بس احنا مش مسامحينه ابدا و بعدين ربنا ممكن يسامح في حأه بس ميسامحش في حأ عبده و هو عمل ذنب منأدرش نغفرهوله!!!!!!
الرجوع الى أعلى الصفحة اذهب الى الأسفل
 
رسالة من محمد علاء مبارك الى امه و جده و العائلة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحلى بنات :: ثورة شعب :: ثورة 25 يناير(أخبار_صور_مناقشات)-
انتقل الى: